بھارتی کرکٹر محمد شامی چیمپئنز ٹرافی 2025ء کے ایک میچ کے دوران جوس پیتے دیکھے گئے جس کے بعد سے ان پر متعدد حلقوں کی جانب سے تنقید کی جا رہی ہے۔
رواں ماہ 2 مارچ کو آئی سی سی چیمپئنز ٹرافی 2025ء کے سلسلے میں بھارت اور نیوزی لینڈ کے درمیان گروپ میچ کے دوران محمد شامی جوس پیتے دکھائی دیے۔
بھارت تو نیوزی لینڈ سے یہ میچ جیت گیا لیکن محمد شامی مسلمانوں کے مقدس ترین مہینے رمضان المبارک میں سرِعام جوس پینے پر تنقید کی زد میں آ گئے۔
